Адразу пасля ўчорашняга з'езду БСДП(Г), на якім быў вызвалены з пасады Аляксандр Казулін, а лідэрам партыі быў абраны былі намеснік старшыні Анатоль Ляўковіч, карэспандэнт РР Кастусь Вансяцкі пагутарыў з дачкой Казуліна спн. Вольгай.

- Каментар вельмі просты. Спадар Ляўковіч думае, што ён выйграў бітву і вайну. Але, на жаль, гэта чалавек, які не бачыць далей уласнага носа. На жаль. Таму што, як я ўжо сёння сказала, гэта чалавек паставіў крыж на сваёй палітычнай кар'еры. Але самае страшнае, што ён падставіў людзей, падставіў партыю. Таму што, са здраднікамі ніхто мець адносіны не хоча. Ляўковіча і раней успрымалі як блазна, у кулуарах так яго называюць, а зараз дык тым больш. Абсалютна відавочна, што дэлегаты былі абраныя менавіта тыя, якія будуць падтрымліваць Ляўковіча. Цікава, што мой бацька быў дэлегатам, але ён у турме і не можа прысутнічаць на з'ездзе, і я,. як яго прамы прадстаўнік, павінна была быць зарэгістравана дэлегатам. Мяне ў дэлегаты не прапусцілі. Таму, гэта быў добра спланаваны спектакль, фарс, людзі прагаласавалі так, як ім сказаў Ляўковіч. Зноў-такі падкрэслю, што прагаласавалі людзі "ляўковічаўскія", гэта не значыць, што так прагаласавала партыя. Шкада, што людзі "выпэцкваюць" рукі, бо будучыня за лідэрам, а лідэраў не абіраюць на з'ездах. Ляўковіч стане лідэрам на пару месяцаў, а калі выйдзе Казулін, усё зменіцца, і як ён пасля будзе людзям глядзець у вочы.

- Як вы думаеце, зараз існуе рэальная пагроза расколу партыі?

- Я думаю - не. У партыі ўсё ціха, усё чыста. Ляўковіч ужо выкінуў практычна ўсіх людзей, які былі супраць яго. Ён гэта робіць мэтанакіравана, метадам Лукашэнкі. Але я чамусьці думала, што ў яго ёсць хоць кропля сумлення і ён не будзе здымаць з пасады чалавека, які не можа адказаць, супрацьстаяць, апеляваць. Гэта было абсалютна амаральна нават уздымаюць такое пытанне, тым больш ставіць на галасаванне. Чалавек сядзіць у турме, сядзіць за нас. Зноў-такі, мой бацька заўжды казаў, што ў партыі і апазіцыі дзейнічаюць толькі асабістыя амбіцыі. Ляўковіч свой партфель зараз скраў нячэсным шляхам, але мы змагаемся не за партфелі, і самае цікавае, што гэта нам таксама пойдзе на карысць. Мы бачым, якія людзі нас атачаюць. Калі бацька выйдзе, ён будзе бачыць, з якімі людзьмі трэба працаваць, а якія - здраднікі.

- Як вы можаце пракаментаваць чуткі, што пасля парламенцкіх выбараў Казулін можа быць вызвалены?

Ваше имя:

Ваше email:

Введите текст на картинке

Ваши комментарии: